[سعد بن عادي]

ماعلي اخالف طيب يامشاري
محتزم بالصبر وضلوعي متينه
لو بد ابالحزن بوجهي مواري
لايهمك والحزن تبت ايدينه
مؤمناً بامر الولي والحكم جاري
واحمد الي سن حكمه واستعينه
كل ماقام يتبسم لي نهاري
جعل لليلي ماتشيب رموش عينه
اعترافي بالخط ساق اعتذاري
اطلب الغفران وذنوبي دفينه
ماحفت رجلي علي طول المساري
التعب مخلوف والطرقه ثمينه
رجعت بين الحرمين اعتباري
واغمرتني بالخشوع وبالسكينه
خاطري لاضاق بين الطواري
ينشرح بين مكه والمدينه