[احممد الرشيدي]

طال الهجر والفراق المر عذبني = متى على الله ترد يامطول غيابك
الكون دونك ابد ماهوب واسعني = يامهدي الضيم والونات لحبابك
طمن خفوقي ياقلب الروح طمني = تعبت اطالب زماني فيك ماجابك
لولا سلوم العرب والعيب صدقني = لاتشوفني واقف ابكي لك على بابك
في كل ليله اسامرك وتسامرني = والحين مالي سوى صورك وكتابك
اقرا خواطرك والاشواق تحرقني = وينك وحشني ، رضاك ونظره عتابك
لامن زعلت ورفضت انك تكلمني = واعاندك الين ماارضي جنابك
ضحكتك كانت تخطف الهم مني = عزاهـ وقتك وين راح وغدابك
طال الهجر يامعذبني ومتعبني = متى على الله ترد طولت بغيابك