[احممد الرشيدي]

طروك في جلستي وابكتني الذكره = وقمت اتصدد اخاف انهم يشوفوني
قلت العذر والسموحه نلتقي بكره = النوم جاني وغيم لي على عيوني
واقفيت والشوق مشعل داخلي جمره = وهمومي ثقال يالله ساعد متوني !
نسيت ؟ ياليتني اقوى وابتعد واكره = ما كان حالي جحيم ومختلف لوني
مهما اخبي ترى الله عالم ويقره = وبعد الله عيونك اللي بس يقروني
نزفت دمعي وقلبي مات من قهره = نزفت قهري وجف الدمع بجفوني
سهرت ليلي اسولف عنك للقمرهـ = اساله عنك ( عساه بخير مضنوني ) ؟
بقلبي دقايق غيابك تعتبر دهره = ( وحيد ) لوكان حولي من يحبوني
وحيد اصارع مماتي واجرع السكره = لو ان موتي اذا طولت مضموني !
بتغيب اكثر رجيتك ردله عمره = قلبي وحاول تعيد الصوت لسكوني
وقل لجميع البشر تقتلني الذكره = لا عاد يطرونه اسمك من يشوفوني