حبك يزيد ويزيد الشوق باحراقي = في كل لحضه تمر الحب يكبر بي
غلاك شامخ علي مر الزمن باقي = مايبعدونا ! حشى ما دامك بقلبي
ان نمت فرحي غفى وان فقت هو فاقي = وان جيت جرحي هجر وان رحت رحب بي
اقسم حياتي بدونك ضيم وارهاقي =والموت اشوفه لو اني عايش وربي
يا هيه احبك وحبك ساكن اعماقي = وحضنك ليا من تعبت علاجي وطبي
تدرين شاللي يهدي ثوره اشواقي =عطرك اشمه واتخيلك جمبي
وتغفى عيوني وانا ادعي ربنا ياقي = حبنا من الفرقا ، وتبقين قربي
انت اكسجيني وف البعاد اختناقي = يا اغلى من اغلى شي لباك قلبي
ببقى احبك ويبقى حبك الباقي = ولغير طيفك حشى ما يوم بالبي
