الموت اخذله ناس بالحيل غالين = نبكي و نذكرهم على كل حيني
مرت علي موتت حمد عشره سنين = وللحين ما فارق دقايق سنيني
ياخوك ماني ناسين صورتك لين = ما اصير جمبك وسط قبري سجيني
تقهرني الدمعه وتنزل من العين = اليا ندهو باسمك علي والديني
واحاول اخفيها بضحكه وثنتين = لو اضحك لباكر قسم كاشفيني
ضاقت بعد عينك. على اخوك السنين = وفكل يومن همن اخر يجيني
لو اكتب واكتب واكتب دواوين = صعب اوصف اللي فالحنايا يعنيني
مهما ابتسم واضحك ترى جروحي تبين = صعبن علي اكتم وربك يعيني
فرقاك جرح الله يعين المصابين = ويعين منهو بعد موتك حزيني
وزود على بعدك اوجاع المحبين = في كل صوب اروح حظي مهيني
ماينطق لساني سوى ( ربي يعين ) = رب البريه عالمن في ضنيني
ادعي وادعي فالك الجنه امين = واذكرك يالغالي على كل حيني.