[مرشد الصقعان]

السلام عليكم ورحمة الله وبركاته
مساء الخير للعموم وكل عام وانتم بخير
بعد هذا الغياب أتيتكم بقصيدة غزل اتمنى تنال استحسانكم:

ياللي غرامك زارني بأول العيد=وآخر غرامـ(ن) عقب ذاك الغرامي

وأنا أدري ان الحب شره تراديد=وراعيه ماحسب حلال وحرامي

وانا بلاني زاهي العنق والجيد=عقب المعرفه واللقاء والكلامي

ودع وخلا بالضماير مواقيد=نارن حطبها شوق ولا اهيامي

كنه نسى حبي وذيك المواعيد=ويقول لي حبك عليه السلامي

خلاص روح وكثرة الهرج ماتفيد=ولاتلوم مرشد لاوطاك الملامي

ترى الفراق أوله مرن وتنكيد=يقوله اللي ذاق حبك وصامي

هذا الكلام اللي كتبته بتوكيد=عليه من شعري وبصمة إبهاااامي...

الموضوع الأصلي: ياللي غراااااامك | | الكاتب: مرشد الصقعان | | المصدر: شبكة بني عبس