[فيصل الرشيدي]

اعزائي الاعضاء

اقدم لكم رائعة جديدة للشاعر القدير عواض عايض العويمري الرشيدي

امل ان تنال على اعجابكم





[POEM="font="Simplified Arabic,5,darkblue,bold,italic" bkcolor="transparent" bkimage="" border="double,5,gray" type=1 line=0 align=center use=ex num="0,black""]الله يجازي سود الأيام بالخير=تعطي دروسٍ تقطع الشك والريب
تحوش منها عن خطاياك تكسير=وتشوف فيها راعي الجود والطيب
كأنك تتابع قصه لسالم الزير=تقدر تميز بين جساس وكليب
قال المثل من لا درى يشوي الطير=وليا شويته بالجهل مابها عيب
حنا بشر ما نعلم الي يبي يصير=عمرك سمعت ان البشر تعلم الغيب؟
الوقت يمضي والليالي مدابير=تطلع علينا الشمس ساعات وتغيب
يمكن نموت الصبح او نموت بعصير=الموت حاصل ما عن الموت تجنيب
الله يوفقنا بحسن التدابير=اخذت من سود الليالي تجاريب
متذكرٍ درسي ولا احتاج تذكير=ومرقع الدنيا مثل صابغ الشيب
يا راعي المرقاب مامن مداوير=بالله قلي سرب الشوف تسريب
تقدر تقول اصحابنا بعضها غير=صحبة رخا يغزيبها الظن ويخيب
انا على ظني رجالٍ سواطير=بس الهقاوي تخطي احيان وتصيب
لولا الخطا ما صار للحق تقدير=ولولا الحقيقة من عرف قيمة الذيب
هذا زمان المصلحة والدنانير=واليا فضى جيبك ترى مالك صحيب
الله يجازي سود الايام بالخير=بعض الليالي تقطع الشك والريب[/POEM]

الموضوع الأصلي: جديد روائعــــــه | | الكاتب: فيصل الرشيدي | | المصدر: شبكة بني عبس