[جفاا]

آول نهآر العيد موعد زفافه
موعد زفاف الزين مع دق الآدفوف
مو كدن بالحجز قصر الرصافه
على كريمة شخص يدعى ابو نوف
حسب الكروكي وسط حي النظافه
وآجب عليك العرس تحضرهـ وتشوف
ونخبه من الشعار فيهم كلافه
ومكبرآت الصوت ومروس آصفوف
وآبكار ملقيه وشوية كنآفه
مجهزهـ بأتقان من مطعم الكوف
والشاب صالح كآشخن بالقيافه
وآلشرعه البيضآء تحلت على نوف
عند الرجال آهل الكرم والضيآفه
يشهد لهآ التآريخ مع بصم الاكفوف
فجاءهـ بدون آنذار قآل بلطآفه
شآيب من الشيبان ذو المشلح الصوف
آفلان وين فلان ماحد شآفه
آكيد جآريله صوآديف واظروف
ويجاوبه آخر كثير اللقافه
يمكن معطلهم مسايير واضيوف
يآهيه ياللي تعشقون الشرآفه
كفو خناجركم ترى الناس بسيوف
مسكين ياللي حايف الوقت حافه
وهو منول يقهر الوقت ويحوف
ياوقت رجعلي شريط الظرافه
ودي اسج آيام من كنت مألوف
لأجل آتخيل زولـهآ وآنحرآفه
وآقوم آردد آوف آوف آوف
في لوكهآ الهآدي حكآية طرآفه
تنسيق عبدن كآفله حجي ديوف
برستيجهآ الطاغي ماهوب تآفه
كأنه بداية حرف تتليه الاحروف
فستآنهآ المكسي بلون الزرآفه
والمعطف الاصفر مع المحزم الموف
لحدن يصدقني ترآهآ طرآفه
لاعرف آنا صالح ولا أحب نوف
الله يجنبنا دروب السخافه
ونحج ونصلي مع النآس ونطوف ..!

<هع هع
وآلله حبيتهآ مممرآ < رآيقه :)
آتمنى آي آحد يدخخل هون يقول رأيه بصرآحه ^^

الموضوع الأصلي: ~ آول نهآر العيد موعد زفافه *_* ~ | | الكاتب: جفاا | | المصدر: شبكة بني عبس