أرجوك عدل وغير في قراراتك
لاتجرح القلب بعد ولا تخليني
مانيب والله قادر طول غيباتك
يكفيني الواقع الملموس يكفيني
اليوم يسهر عيوني شوف بسماتك
وبكره لها الله عيني حظها شيني
بالله كيف أعذرك بذنوب غلطاتك
تحكم بحبك وتتركني وتبكيني
اهدرت واسرفت في حبي ورى ذاتك
واجليت حسي معك من زود مافيني
ارجع وراجع قصيدي في سجلاتك
وتشوف بأنك غرام القلب والعيني
حاولت بأحساس شاعر في فضاءاتك
ألمس فضاك الكبير اللي ربا فيني
واليوم راجع وقل وش هي حساباتك
لاتجرح القلب بعد ولاتخليني