[جفاا]

الطير لاكسرت جنحانه يطير؟!..
هذا السؤال اللي ذبحني بالخفا


ما همني ما بعد هذا وش يصير
الي حصل في صفحة الماضي كفا


ما بين خوف الله وتأنيب الضمير
ما خاب رجــآل لـوجـه الله عفا


انا السفير اللي يدور له سفير
وانا الوفي اللي زمانه ما وفا


شفت الزمن لبسني الثوب الحرير
وثوبه يبنجني لطعنات القفا


ما عاد ابي ثوبه وابي ثوب الفقير
اللي احس بلبسته ستر ودفا


اسهل ما بالدنيا برستيج الامير
بس المصيبة لو بعد ناره طفا


من عاش وقته لايجار ولا يجير
محدن بداريبه مشى والا لفا


والكلمة اللي حدها حد الشطير
لا قال شخصن تحسب حسابه افا

آفـــــــــــــــــــآ


ياكبرها كبراه في عين الكبير
ويا صغرها للي بمرجلته هفا


الحمل ما شاله سوى ظهر البعير
اللي تبين في مواطيه الحفا


البارحة تقريب في حزة عصير
كنه خفوقي قطـــن في دار السفا


طرا علي الحب الاول والاخير
اللي معلقني على جسر الجفا


وش هو سبب هالصد والدنيا بخير
ليته مأكد صددته والا نفا


ماني بناقص هم تكفااااا يالعشير
جفنك ينام وجفن غير ما غفا


مـآ آحــب غيــرك لآنـ حبكـ غيــر
آي و الله غيــــــــر
لوهو صفا جوي بدونك ما صفا



بقـولكـ كلمــه و انــآ آعـرفكـ كبيــــــــــر
ما هي تجيني منك يالغالي افا

الموضوع الأصلي: أفــــــــــآ | | الكاتب: جفاا | | المصدر: شبكة بني عبس