[سـعود المضيـبري]

هاض قلبي من خيالن نشاء وردف شمال = بارقه يسبق هبوبه ومزنه مظلماء
رش مــاها تنــاثر وســط بيد(ن) وســال = وراتوت جل الارض وباقي الماء ارتماء
ســـاقه الـــواحد الـمعطي عـظيم الجلال= جل سبحانه الرزاق مجرى الدماء
صــوبها يــم بدو(ن) يطــردون الــحلال=وارخت الماء عليهم بعد شح وضماء
واشــربو مـــن قـــراحن نقع ماها زلاال =وارتوو من غديرن جمته نقع ماء
ســـاح فكـري مع البارق وشوف الخيال = وبادره هاجسن بين الضماير رماء
صــورته قــدم عينــي لــو وصوله محال = واوقد النار واشوق بخفوقي احتماء
صــاحب(ن )متعــه ربـي بخـلق وجـمال= نور وجهه يضوي ليلت(ن) معتماء
والـعيون الـوسيـعه والـرمـوش الطـوال=ايه اهوجس وغني كل ماسلهماء
والشـعر مـايوصـف فـوق كـل احـتمال =ومبسمن منه شفت الثلج تحت الجماء
مالـك الـحسن زايـد مـع حـلاه الـدلال =ملكن قلب من يغليه عذب الماء
اه يــازول(ن) ابهر كـل عين(ن) ونال = مرتبات المحبه سلماء سلماء
اصـتفـق مـوج حـبه بالـحـنايا وجـــال= واستباح الخفوق وصار سيد الحماء
هــو بقــلبي عــزيز ومـنزله مــايزال = مثل بدر(ن) ينير الليل بقصى السماء
ايــه احــبه لـو المـقسـوم فـرق وحال=وبعده عن عيون(ن) تعشقه مبهماء
وصليـها سـلامي يــالـمــزون الثقال =وقولي اني بعهده وافي(ن) ملزماء

سعود المضيــــــبري

الموضوع الأصلي: هاض قلـــــبي | | الكاتب: سـعود المضيـبري | | المصدر: شبكة بني عبس