[أنكسارحلم]

يا اللي على باب الهوى تكثر الهمس
كيف أنت؟ كيف الحال؟كيف الدراسه؟

الغد مثل اليوم واليوم مثل أمس
صارت على الطلاب فيها أنتكاسه

خلك مع المعبود لا تعبد الشمس
العاقل اللي دار فكره براسه

لا تفخر برائيك ولا به تنومس
لا صار رائيك ما أرتفع للكياسه

ما ينشرح درسن على خاطرن عمس
سايس أمورك في حياتك سياسه

اليوم صافق فاضى الخمس بالخمس
وش الذى عكر مزاجك و حاسه

بأسباب محبوبن حمس خاطرك حمس
قهوة شمالي وزايده في أنحماسه

اللي طمس قلبك ترا بالهوى طمس
يشرب فناجيل الهوى وسط طاسه

تسمع صدى صوته لو ما تنفس
غيم على فكرك وجود مراسه

بحر الهوى لا تقربه ترمس الرمس
ترا الهوى غدار ولا به وناسه

راع الهوى عطشان لو أنغمس غمس
سيل الهوى جارف على كل ناسه

ترا الهوى مصحوب بالهم والمس
وكل(ن) على قده يفصل مقاسه