صباح الخير يا أحلى صباح بدنيتي كله
صباح النور يا نور طلع والقلب حيابه
هلا بالحب يوم إنه تغنى وطلته طله
هلا بالشوق لا غرد من محياك وعذابه
حضورك به شذى الجوري وزهر الكادي وفله
حضورك به رومانسية موسيقى حيل جذابه
على نغمات صوتك يرقص الخفاق ويتلهله
شعورٍ أو أحاسيسٍ غريبة منك أسبابه
ملكت القلب من قدك ترى ماقبل وصَّل له
تراك أنت الوحيد اللي دخلت وسكر أبوابه
ملكته وحدك وباقي عليك تبهر الدله
ترى فوحه يعذبني وأنا شايفك وأشقى به
هلا بك من صميم القلب والله ثم لك والله
فلا ذقت الصباح العذب من غيرك تهيابه
أنا مابي سواك ولو يقال كثار بالمله
ولا يكون غيرك حي ولا والله تغنابه
هي انت يا عبير الورد يا حله ويا دله
يا أطيب قلب بالدنيا يذوب خافق أحبابه