السلام عليكم ورحمة الله وبركاته
اسعد الله اوقاكم بكل خير ،
الجديد من بعد غياب /،
يامحمل الحب لا تطبع بك اجراحي
كم عشت فالبعد لا ساحل ولا مينا
رغم التعب والمفارق مركبك صاحي
كم شلت منا جروح ، وعودت فينا
هو رمحك الجرح ولا هو من رماحي ؟
نقوم عن مجلسه ، يرجع يخاوينا
لضلوعنا الحدب بالاوجاع مجتاحي
يجر جيش الجروح لقتل ماضينا
وانا لو ان الزمن ما يحمل افراحي
وجروح قلبي على اللوعة تنادينا
اداوي قلوب ، لو ماني بمرتاحي
واصبر واقول الولي ما هو بناسينا
والحين ابارفع يديني واكبح جماحي
لا حب لا شوق ، تمنعنا مبادينا
باطوي شراع المحبه جعلها الماحي
خلاص من لوعة العشاق يكفينا
يا وقت جرحك على صدر الهوى فاحي
وادلالك مبهرة منهاا يمانينا
استاذنك للوداع وباجمع اتراحي
وارحل وصوت البعاد يهز خافينا
استاذن الجرح والاشواق ورماحي
والمحمل ان ما طبع وش خانة ايدينا !
محمد العتيبي !