جديد الشاعر الجزل العذب شاعر المليون محمد حسين المويزري عن الأوضاع في المنطقه
يقولون وش وجهتك في مقبل الأيام=واقول المشاعر عندنا مالها قبله
تجيني على ماتشتهي والوعد قدام=فلا نفسي بوجله ولا طرقتي خبله
امشط بها روسً تطاول وهي أقزام=واحلق دقون اللي تغني مع الطبله
وامر السياسة مر الأكرام بين ألغام=واوصل رسالة للذكي.. واشغل الأبله
ولا زارني طيف أريش العين بالأحلام=ذبحتله من ذود القصايد خيار أبله
ولكن هالأيام زين القرايح شام=على العين مثل السمل والكبد مندبله
تعرض بنا الشيخان ويكذب الأعلام=وشام العرب ينخا ولاحي يندبله
تبجح بها بشار وإيران رز أعلام=وأسود العرب كلاً يدور عشا شبله
لو إن المجوسي حالف الروس ماينلام=كشف راسه وشرهات قوسه على نبله
وحنا بذرا أمريكا وسيد الملاعب (سام)=على وين ماقالت لنا نفوس منجبله
وإذا قال قايل: علت!! و اسرفت فالحكام=بوريه بيت الشعر فالصدر واكتب له
يوم إن أحمدي شب الوقيدة بدار الشام=ياكم شيخً امن الذل للحين يحطب له
يكفيهم امن الذل نظرات هالأيتام=ويكفي فخر طهران تاقف وتتعب له
بلاش اكشف المستور وازعل الضرغام=إذا مافهم يبحث عن العُرب تعرب له
محمد المويزري