[شاعر الصعاليك]

ياهل الخمر خمركم ما عاد له سكره = جيبوا لنا خمر (ابن هاني) وصبولي
اللي مع الناس خمره رافع ٍ ذكره = في خمرته لذة ٍ تأخذ بكم حولي
وأنا بلايه بغرو ٍ زاد في مكره = وأزريت لا أحكم مواثيق الغلا حولي
آمالنا تنتظر وش سالفة بكره = وأحلامنا علقت بالورد يا حولي
(بَتَله) بقلبه رجاء والثانيه يكره = وأنا قضيت العمر ما شفت مفعولي
ما كني الا عقاب ٍ طار من وكره = وأمسى بوسط الشبك ما عاد اله حولي
يا كيف عين ٍ تغير بالرجل فكره = ويا كيف يرقص على مزمار وطبولي
يا ساقي الخمر لو تدري وش الفكره = أن كان تضرب فجوج الارض بالطولي

* أبن هاني - الشاعر العباسي ابو نواس