يالي تبي فرقاي بقطع طواريك
القلب عافك عاف حتى وصالك
صحيح قلبي كان لعبه بياديك
تحركه لو كان صوب المهالك
خدعتني بالمنظر الي محليك
واخفيت مبدا ماتبي وانتهالك
ماكنت اصدق كل كلمه تقفيك
وماكنت اكذب في اجابة سؤالك
من كثر ماكنت اعشقك صرت مابيك
يالي قبل كانت حياتي حلالك
مابخسرك ياخاسره شخص مغليك
ومابندمك يانادمه عن زوالك
بندم على صدقي وكذبت تغليك
وببكي على نظره خدعها جمالك
كنتي مدينه عالياتٍ مبانيك
واتًهدم البنيان من حر مالك
كنتي اماني كنت ساحر يلبيك
احقق الي ماطرا فيه بالك
كنتي طرب لامر مزمار طاريك
كنتي موسيقة عشق من لحن حالك
حتى الموبايل نغمته ميتٍ فيك
والحين نغمة خاينه لاتصالك
كنتي بحياتي شي والحين ناسيك
هاذي حياتك روح مالي ومالك
مع السلامه ياعسى الله يهنيك
القلب عافك يامشح بوصالك