.
جيتك اهرب من
شوارع هالمدينة ، والزحام
من عيون الناس ، و التفكير ، و من موت الكلام ..
جيتك اهرب
ما ابي انظر وراي
ولا ابي غيرك دفاي
ولا ابي اشعل عيوني بالدموع
وينتهي هذا الظلام !
جيتك اهرب
قبل يجرح قلبي الطيب / قريب !
جيتك اهرب قبل انسى ان لي في داخل اعماقك حبيب ..
جيتك اهرب من همومي
من ألم ضلعين تسترها
هدومي !!
بلل اطرافي بحبك
ضاااايق / وربي وربك
جيتك اهرب ..
من كلام اللي تركني لا حكى :
جيتك اهرب من لسان اللي حسدني
من قصيدي اللي خنقني
من دموع امي عليّه !
جيتك اهرب
من بعد ما هم نسوني
اذكروا كل اللي حولي / واتركوني
ليه ما اهرب ؟
وانا يا ما امتلى وجهي كلام ولا حكيت ،
وانا يا ما لليدين اللي طعنتني
شمت
ولبيت
وعطيت !
حتى احلامي اليتيمة ،،.
ما قوت تبقى ، وراحت !
راحت تدور مدينة
بالشوآرع ضي ،:
جيتك اهرب !
جيتك اهرب !