هذي من اكثر القصايد المعبرة لبو جعيلان وانشالله تنال اعجابكم يلبو مهدي وهو عبدالعزيز النغيص
يابو مهدي نشدت عني ومشكور...........انا بخير وكل شي تمامي
في ديرة خضرا بها اشجار وانهور ...............فيها الحبارى يسره والادامي
هي منوة الصقار والطير مسعور.........فرخ(ن) معلم من طوال الموامي
ماهو بمثلي صار في حيلة فتور ........ودي ادوج وفترات عظامي
ليا جلست بمجلسي مقدر اثور ......يكيدني في وجه ربعي مقامي
ويلاه دور مضى قبل هالدور......راحت علومه مثل وصف الحلامي
يومن اقنص في ونيتات وطيور ......انا وربعي لاذكرلي وسامي.
وليا يذكر خد من الوسم ممطور.....اروحله وادق فيه الخيام
نمسي على نور ونصبح علة نور..... من بين ربعن طيبين الحشامي
الكل منهم ماتبينبه بهم قصور......... كلن عل ساقة خويه يحامي
واليوم عدوها ولاني بمذكور...... ماعدوا اسمي يوم عد الاسامي
غديت مثل العد مبطي ومهجور...... من عقب مايزي قطيع الظوامي
ولا قبل كلن من يردلي الشور ...... كلن يطاوعني ويسمع كلامي
وليا قنصنا في خذ سهل ووعور..... انا دليلتهم في ليال الظلامي
اخذتها في عز والحال مستور..... واليوم سمح البال وانهيت زامي
ارجى من الله عسى الذنب مغفور.... ولا تعرضنا دروب الاثامي
خلصت من عشرة هوا كل غندور ........ شبابنا قفى عليه السلامي
الشاعر الكبير: شبيب بن اجعيلان الدقباسي