[بندرأبن طريف المظيبري]

هذه قصيدة عبدالله بن هذال بن حوشان القريفه من البدنا من مطير , قصتها :

يوم من الايام 
حل في البلد ضيـوف والفـوا علـى القريفـه 

فــي ظـل الـظـروف القاسـيـه وصاحبـنـا القريـفـه 

ماعنـده مـا يعشـي ضيوفـه عليـه واستفـزع فـي مــن 

حوله وهم داريـن ماعنـده شـي يذبحـه للضيـوف واتفقـوا 

اذا طلـب مـن احـد ذبيحـه يقـول ماعنـدي شـي وكــل 

مـاراح لواحـد منهـم قالـه مثـل مـا اتفـقـوا "ماعـنـدي شــي" 

يــوم ضـاقـت وإلا عـنـده ناقـتـه الـلــي 

يتمنحهـا هـو وعيالـه وهـو يلقيهـا للقبـلـه وينحـرهـا 

ويطبخونهـا اهـل البيـت وهــو يـبـرك النـاقـه عـلـى 

الصينيه ويعزم جيرانه واللي حوله مع الضيوف يوم شربوا 

القهوه قال للضيوف والحاضرين "اقلطو الله يحييكم" , 

اصحابـه عارفيـن ماعنده شي ومتوقعين الغداء بـدون 

لحـم, علشـان الـى ضيّفوا الضيف يحطون رز مثل ما بيحط القريفه "لأنه كبيرهم" 

ولا يلحقهـم شرهـه ومنقـود استغربوا كل ربعـه 
مـا شـاهـدوه
وقــال صاحبـنـا القريـفـه وهـم 
عـلـى الـغـداء هـــذه الابـيــات


يا جماعة كيف ما فيكم حميـّا ** كيف صيّاح الضحى ما تسمعونه

من يعاوني على ربعٍ هنيـّا ** من بغى درب المراجل يمنعونه

المراجل مـا تهيـا هالسويـّا ** كود من عض النواجذ في سنونه

ان بغيـت الشـح درب الطيب عـيا ** حـالـفٍ مارد نـفـسي للمهـونه

وان بغيت الهون درب الجود عيـّا ** حالفٍ ما أرضى لنفسي بالمهونه

مـاعلـيّـه من مـنـقلة الـحكـيا ** كـان بـاب الـرزق منهـم يقطعـونه

مـن لحومي الدانيه شفت الجفيـا ** مـن بغـى درب الشكاله يبهتونه

حالف ما جوز من جـية هـويا ** دام بــيـت الله خلقه يدهلونه

صح لسانه و لا هان , و رحمة الله عليه

للمعلومية هذه القصيدة موجود لها شيلة في اليوتيوب بصوت (فهد مطر)

الموضوع الأصلي: يا جماعة كيف ما فيكم حميّا | | الكاتب: بندرأبن طريف المظيبري | | المصدر: شبكة بني عبس