بسم الله الرحمن الرحيم
اخواني وخواتي من مشرفين ومراقبين وأداريين وأعضاء وزوار بهذ المنتدى الشامخ أحييكم بتحية إلاسلام
السلام عليكم ورحمة الله وبركاته
كما تعلمون ما للمعلم من فضل بعد الله عزوجل بتعليم ابناءنا العلم والأخلاق الفاضلة ولهم حق علينا أن نذكرهم باثناء ونشكرهم
فمن لايشكر الناس لايشكر الله وأخص بذالك الشعراء كيف لا ونحن نهلنا من علمهم منذو الصغر وكان في قلوبنا كاء النقش في الحجر أهدي إليهم هذه القصيدة للشاعر/عبيدالله دعيع القلادي الرشيدي وقد نشرت في جريدة الجزيرة الغراء عدد 11352 في 2/9/1424ه بعنوان
.......أولادنا أكبادنا.........
بديت بأسم اللي بالأسرار يعلم= الخالق اللي نزل الحق تنزيل
اللي خلق آدم ويجري به الدم=سبحان ربٍ يحيي الأرض بالسيل
منجي سفينة نوح والموج يلطم= لله تكبيرٍولله تهليل
من بعد هذا جيت وأبغا أتكلم=وأهدي نصيحة للرجال الحلاحيل
بالمعرفة والعلم الأمة تقدم=العلم نورٍوالجهل ظلمة الليل
والمدرسة والبيت والأب والأم=الهم فضل بألتربية يارجاجيل
أولادنا أكبادنا لاتندم=كونومعاهم درع عن كل تضليل
ترى الطفل من والديه يتعلم= دايم يقلد والده بالتفاصيل
إبنك صغيرٍعلٌمه لين يفهم=لاتصير قاسي يبغض العلم ويميل
واجب تعلٌمه أحترام المعلم=(قم للمعلم بأحترامٍ وتبجيل)
تراه مثل أبوك وأخوك والعم=في واجبه لاتنقص المد والكيل
يابني ترى أستاذك عزيزٍمقدم=هوقدوة الأجيال جيلٍ بثر جيل
معلٌم الأخلاق والعلم يسلم=الله يفكه من صدوف الغرابيل
أختامها مني صلاةٍ تختم=على الرسول إعداد وبل الهماليل