يوم الفراق ويوم توديع خلّي
لا تسأليني يامني ويش سويت
والله مدري يامني وش حصلّي
ياليتني أنساه لامن تناسيت
ماغير دمعي فوق خدي يهلّي
بكيت حتي يامني غيري أبكيت
نسيت ضحكي وأنشراحي ودلّي
لا عاد لي رغبه أغادر عن البيت
صرت أنعزالي ورافقت ظلّي
ماأخطا وانا في عشرته صنت ماخطيت
يابنت عمي زاد همي وغلّي
وأبديت في شعري عن الناس ماخفيت
صنته غلا ماجيت ضحك وتسلّي
كفيّت في حبه من الشوق وأوفيت
أن جا لهفه جيت بالشوق كلّي
وأغرقته بشوق المحبين وأعطيت
هو الوحيد اللي عشقت ووصلّي
ماغيره أحدٍ في حياتي تمنيت
قولي لهم عسي الغلا مايولّي
هذي ثلاث شهور ماأطلع من البيت