انا من عشرة اصحاب الرخاء والمصلحه مليت
تعبت اجامل اصحاب الرخـاء واللي للجل حاجه
صـداقه مالـها داعي ما ترضيني ورب البيت
مـاتسوى شـرهة الغالي علي وضحكة حجاجه
صديق المصلحه حـاولت اوريه السنع وازريت
من يعلم مريض النفـس لامنه قضى عـلاجه
يسولف بي لامني رحت يضحك لي لامني جيت
ابو وجهين مزعج مستحيل اسكت على ازعاجه
توكل ياصـديق المصلحـه والضحك والتنكيت
انا مــاعندي استعداد اعـدل كـل منعـاجـه
صديقـاً مـا يصافيني على الشـده لو انحديت
اهو وشــوله يجيني وانا مــابي اله مـواجه
صديقي مـن نشـدعني وجاني كان عنه ابطيت
يهلي كـل مـاجيته ويفزع لي لو احـتاجــه
على عـز وشـرف عشرة عمر مايهزها عفريت
على وضح النقـاء والطيب منهـاجي ومنهاجـه
مـاجتني زلة للسـانه ولأ عمـري عليه اخطيت
ولا يتعمـد احراجي وانا مـا اتعمـد احراجـه
الشاعر:مساعدسالم هليل الرشيدي