مريت بيت الطين عابـس ومغبـر
متجعد ٍوجه ويحكي عـن اغـراب
مكسور خاطر مالقاء شـي يجبـر
الا نخيل ٍ يابس عـذوق واعسـاب
يقول جيت انشد وفاء الوقت وادبـر
قال الصباء ولا وراس الوفاء شاب
وبقيت تمثـال ٍ لمـن مـر يعبـر
غديت ماضي واقر الا طلال بالبـاب
مكتوب تالف بس الا طـلال يكبـر
بعيون عشاق البـراءه والا حبـاب
ويمينه الساقي مـن الرمـل مزبـر
ورسمة مواطي شايب وباقي العاب
وبير ٍ قراحـه داخلـه قـام يقبـر
وباقي غروب وباقي حبال واخشاب
ماتقل جالـه وقـت ماتقـل يخبـر
يوم الكدح لرزق ما يعـرف اتعـاب
ياكبر جرحه كان الا جـراح تشبـر
لكن مال الوقـت لا ميـل اطبـاب
قلـت الزمـن دوار بصـد واصبـر
هذا الزمن من عاشبه شاف الاعجاب
بيح التحسس وأهـل الفقـه تسبـر
والكل من غدر الزمن صار منصاب