خل العتب يامشوّق القلب تشويق
ياللي على ارض اهل الهواء مالك اجناس
مافيه داعي تحزن القلب وتضيق
وتصير من بعض السواليف حسّاس
على الذي يزعلك يازين ماطيق
وارضاك غايه في عيوني ونوماس
اقرب عسا زهرة شبابك توافيق
ويعيش حبك معتلي هامة الراس
انت البشاشه في وجيه المطاليق
وانت الشهامه لاعتزى معرب الساس
وانت الذي مابين كل المخاليق
احييّت لك قلبٍ ضمايره يباس
حبك سجنته بين عوج المعاليق
اخاف لايطلع وتدريبه الناس
في ذمتي ماهوب محتاج تحقيق
عاين خطى رجله على الدرب دراس