يطول السكات وفي لسانك يضيق البـوح
ملامح كلام ونظـرة معاتـب ل/ غالـي
دلال السوالف فوق جمرت شفاك تفـوح
وانا من دفا الجمره نشف ريق فنجالـي
تكلّم .. وملح السالفه وجهـك المملـوح
لو ان ما عليهـا لا وسيمـه ولا والـي
اخذ كل شي وخل لي صوتـك المبحـوح
اعلّق عليـه ايامـي البيـض وامالـي
يابو قلب علّم قلبك مجمّـلُ .. ومسمـوح
على كل حاجـة ذكرتنـي وانـا سالـي
تردّكمسافيـر الليالـي ويـوم تـروح
معي وين ما سارت وما حطّـت رحالـي
جروحك معي اكبر من احساسك المجروح
سقا الله غلاك اللي من اوّل ومن تالـي