[ناصر خنيفر]

اقتباس من مشاركة المعزب اقتباس من مشاركة ناصر خنيفر مشكور ولكن الهديه غير مقبوله انت تهدي الكحيله ههههههه ماتهدي ضبان ولكن اعداك السبع الضاري وانا مشغول هذه الايام ولاحمستكم حمس خلب الضب هههههههه يالالسـف هـديـة الشـيـخ ضـبـان وانـا احسبـه مهـدن علـي الكحيلـه اكيـد معديـه اشهـب الـون سرحـان مشـا معـه بالبـر واصبـح مثيـلـه لكـن ندمـح غلطـت الشيـخ راكـان لوهو غلط في حق رمز القبيله هههههـه امعـزب الضيفـان لـوكـان مـاكـان مافـيـه بالمـوقـع رفيـقـن مثيـلـه ومن واخذ اصحابه علـى زلـة لسـان راحـت ربـوعـه مابقـالـه عقيـلـه ولو كان مابه ضرف من ضرف الازمان قرنـت ابـو صالـح بسبـع الخميلـه وشورت فيهم بيـن حضـرن وبـدوان وخليتـهـم عـبـره لـكـل القبيـلـه لكـن ضروفـي ماسمحـت ياكحيـلان ورديـت ردن عابـرن فـي سبيـلـه وسلم ولا تعـود الهدايـا علـى شـان لاتخـرب العشـره باضـب النثيـلـه وانكان ودك تبعـث عصـور الاكـوان ابشـر ليـا رقـنـا بـشـب الفتيـلـه اصبر شهر وليا اتضح صـح الابـدان علـي جـيـره لزهـمـك بالطويـلـه وشبهـا فـي روس طلقيـن الايـمـان امعـزب الضيـفـان ويــا عميـلـه المعذره على التاخير والله اني كنت فالبر مشغول مع هدايا العمده ههههههه لكن اسمع يالشايب وانا المعزب هذي الهدايا ماكل رجال يدركها هههههه تشره وشرهاتك لهـا اشكـال والـوان علـى محبـيـن التـواضـع ثقيـلـه عسّاس واهدالك صـور وقـع الامـزان وبل السحـاب اللـي عيونـه تخيلـه ومن صيد بر المنطقه جـول سمجـان والضـب والجربـوع صـوره جميلـه للي يعشـق الصيـد ويحـب الاوطـان وانتـه تحـط الضلـع مـدري تشيلـه ابسـط فراشـك للتواضـع والاحسـان تكسـب رجـال المعرفـه والفضيـلـه ترى الهوى والنفس والكبـر شيطـان ثـلاث راعيـهـن يضـيـع دليـلـه والانت شيخ شيوخ من بيـت فرسـان تستاهل العصمـاء السميـن الاصيلـه لـك عندنـا شيمـه وقيمـه وعرفـان مالـك ومـال اهـل العلـوم الهزيلـه وانكان راسك لشهـب الملـح خرمـان احرث وتلقى الجمر وسط المليله ههههه انـا المعـزب لاغـدا الجـو دخــان يكفيك من صهوة جوادي صهيله ههههه وابا الخلاء له ضربتـاً بيـن الامتـان يـودع زعيـم القـوم يومـي شليلـه لكـن عيـن خيـر ياطيـر حــوران تـراك غـالـي والـمـوارد قليـلـه

هلا وسهلا انت معطا بخشيش تبا تخرب العشره ترى المال يزول ولايبقا الا العلم الغانم شفلنا هديه تسوى وترك السحالف وماشابها تراي اللي اسبوع وانا اقهقر الفريق عنك لايفترسونك انت وابا الخلا هههههههههههه

ابداء بذكر الله قبل كل ماكان = محي العظام الباليات الهزيله
مرسي سفينة نوح من فوق طوفان= ومن صالي النيران نجاخليله
ومن بعد ذكره زان تنقيح الالحان= ردن على من خان صحبة زميله
غشوه ناسن فرقت بين الاخوان= اهل النفاق وجاك يومي شليله
وهداء هديه مادفع فيها الاثمان= بلاش جايبها المطر مع مسيله ههههههه
وهدى طيورن شكلها شكل غربان= مادري مجمعها من ايا فصيله
لو قالي في ماحصل كنت غلطان= دمحت غلطاته بكل الوسيله
لكن يصنفلي طيوره كحيلان= ويقول صيدن مالقينا مثيله
وين القطا ويا الحباري وغزلان= منها المرق يشف الكبود العليله
والله مادري ياهل العرف بلشان= بين المزوح وبين صدقه وميله
صار المعزب مثل ناقة عريمان= ماتقوم وان قامت تزايد جفيله هههههههههه