تخـوفـني مشـاوير الطـريق المـظـلم المـــهجـور
والي مني ذكـرتـك قـلـت طــــولي يامشــاويـري
عــزاي انك رجاي العــذب لو كل الـدروب عـثور
وصلت او ماوصلت اعـرفك مانته منتظر غـيري
حـبـيـب وكل الله .. لاتحـسـب اني بـلـيد شعـــور
لو انت المستحـيل الصعـب مابدي لك معـاذيـري
احـبـك رغـم تجـريح اللـيـال .. لقـلـبي المـقـهور
اشوف الجرح يكبر .. وانت تكبر وسط تفـكـيري
احبك لو يموت الحب .. وتصـيـر القلـوب قـبـور
احـبـك كـلـمة .. لــو حــرمــوها حــل تـفـكـيـري
احـبـك مـن هـنا حتى طـلـوع الفـجـر حـد النـور
صحيح انك قـدر محـتـوم بس اجـمـل مقـاديـري
بعـذر اللي يحـبـك لو يصير الشاعـر المشـهـور
لانـك تـنـهـمر حـلـــو القـــصـيدة في تعـابـيـري
احـد ربي يحـطـك له حبيب .. وما يجـيه غـرور
وانا مهـما بغــيت استـوعـبـك ياقـــل تـقــديـري
هـلا بك مـن قـدمك لغـرتك .. لشعـرك المـنـثـور
هـلا في كل شئ فـيـك وانـت اغـــلى مسايـيـري
اثر صدق الغـلا يجـبر حـطام الخاطـر المكـسور
وانا مهما منحتك من غلاي .. اشعر بتقـصيري
ولو طالـت مشاوير الطـريق المظـلم المهـجـور
انا لامـن ذكـرتـك قــلت .. احـبـك يامشــاويـري