16-04-2012, 09:35 PM
|
الناس ماتترك لو انك مجنبها
أسمع هروجٍ بعضها ما يناسبني
واقفيت عن كل مخطيها وصايبها
ياخوي بعض الهروج العوج تغضبني
الناس ما تتركك لوّك مجنبها
الحاقد اللي بليّا ذنب حاربني
ادري بناره ولو يخفي لهايبها
يمدحني ان جيت وإن قفيت عذربني
بعض البشر مهنته يوقد حرايبها
أهدي النفس لجل انه يجنبني
أخاف لا طالت السيره نخربها
ماهو صحيبي ولا ارضى انه يصاحبني
النفس عن مثله ارفعها واهذبها
اخاف من رفقت الخايب تخيبني
أحسب امورٍ بعضهم ما يحسبها
صبري على اللي جرحني ما يعذربني
تحشم حثال العرب من شان طيبها
والله يلولا الحيا والحلم قاظبني
اني افضح السالفه واذكر سبايبها
|