الدمع غالي وانت بالحيـل غالـي
ولولاك غالي مارخصت دمعة العين
أنا ادري انك لي صعيـب المنالـي
مير الأمل مطلوب بيـن المحبيـن
ياما على شانـك سهـرت الليالـي
واصبر على ماصابني من غثا البين
دمعي من اجلك مثل وبل الخيالـي
والهمّ طاويني وانـا فـي عذابيـن
همّ ٍ ثقيـل ٍ خلصـت منـه حالـي
من غيبتك ياسيـد كـل المزاييـن
لاتحسب اني عنـك دالـه وسالـي
ماانساك لو شافت عيوني ملاييـن
وشلون ابنسى الودّ يـاراس مالـي
وانت الحبيب اللي هويته من سنين