[سحايب]

الليل وده يلتقي بالفيه
لكن محاله بالمسا يلمحها .
. والشعر كبوة في مشاعر حيه
لابد تاتي فكرة(ن) تجمحها .
. وأنا وضميري ماذبحنا زيه
كن الحنايا تطلبه يجرحها .
. يامن هواه قد تمادى عليه
هاك المشاكل حلها واشرحها .
. لاصرت انا في دنيتك منسية
شف لي طريقه لاخسرت أربحها .
. المشكلة ماهي مشاعر فيّه
لنّي عرفت ان التعب يفرحها .
. المشكله قلب(ن) قهرني غيه
زلة ولكن مارضى يدمحها .
. نظرة عميقه ماهي ب سطحيه
رمش(ن) تسله للحشا يرمحها .
. الصوره اللي على الضلعين خلفيه
عيت عليها الذاكره تمسحها .
. من شفتها مابي غلا وأمنية
ماغير أراقب جيتّه و أطمحها .
. يالعنبوها صورة(ن) محميه
لقت في قلب البروق مطرحها .
. ولارحم ابو منهو يلوم بنية
شافت بعينه قيدها ومذبحها .

الموضوع الأصلي: الصوره اللي على الضلعين خلفيه // | | الكاتب: سحايب | | المصدر: شبكة بني عبس