12-04-2012, 10:43 AM
|
فوق جمرت شفاك تفوح
يطول السكات وفي لسانك يضيق البوح
ملامح كلام ونظرة معاتب لـ غالي
دلال السوالف فوق جمرت شفاك تفوح
وانا من دفا الجمره نشف ريق فنجالي
تكلّم .. وملح السالفه وجهك المملوح
لو ان ما عليها لا وسيمه ولا والي
اخذ كل شي وخل لي صوتك المبحوح
اعلّق عليه ايامي البيض وامالي
يابو قلب علّم قلبك مجمّلُ.. ومسموح
على كل حاجة ذكرتني وانا سالي
تردّك مسافير الليالي ويوم تروح
معي وين ما سارت وما حطّت رحالي
جروحك معي اكبر من احساسك المجروح
سقا الله غلاك اللي من اوّل ومن تالي
بقا لي كلام ونزف خاطر وزفرة ر?ح
تعدّت نعاس عيونك .. وقلبك الخالي
يغنّي على لحن الاماني حزين الدوح
على كثر ما قاسا من المر والحالي
تغلّى وخلّك فاللقا مشفيُ ومشفوح
وانا دمعتينك غيمي ورمشك اظلالي
يطول الغياب ولي بقلبك حياه وروح
وتمرّ السنين وعادك الغالي الغالي
|