طاروق الضحاوي
عساه يحوز على رضاكم
اخو جزعة
يالشاعر الصعلوك والنار حيه=واليا شعمت النار جتك المليله
صلف الهبايب كان هزت طميه=يالشاعر الصعلوك ما فيك حيله
شاعر الصعاليك
يالعود اخو جزعه علامك عليه=تاقف في وجهي لا نويت الجليله
يا ضلع ياللي ما تهزك شظيه=يرقاك من يهوى الرجوم الطويله
اخو جزعة
يا صاحبي بعض النصايح هديه=وانته عميل ٍ ما لقينا مثيله
ذب الخريمه والدروب ابرحيه=كانك مع الجزلات صاحب جزيله
شاعر الصعاليك
اللي قضى عمره بروحه وجيه=وش ينفعه لا قلت ردوا حصيله
طبع البشر ما منهم الا الاذيه=واللي مهو عيال غيره تعيله
اخو جزعة
مونس لهيب القيض منواه فيه=منجوم والمنجوم يبغى دليله
وانا لقيت الناس بالمهمهيه=يقتادهم مرجوج مومي شليله
شاعر الصعاليك
اخر علاج الطب يالعود كيه=والكوي ماينفع عروق ٍ محيله
هذا الزمن ما بين حسنه وسيه=وكانك لقيت الشر دور بديله
اخو جزعة
دنياك هذي ( جنة الظاهريه )=يا مدور الغايه تجيك الوسيله
الفرق واضح بين هذي وذيه=والفرض ماهو مثل حكم النفيله
شاعر الصعاليك
اللي يعرف الدرب ينفع خويه=قبل ايتورط فـ الخليل وخليله
يا صاحبي ضاعت خيوط القضيه=من يوم حطيت الخفيفه ثقيله
اخو جزعة
معذور دام ان النوايا خفيه=يومك عميل ٍ ما يبور بعميله
واللي بوسط الشبك مثل الثنيه=لا يحسب انه شاعر ٍ للقبيله
وسـلامتتكم