[أميرة البنات]

يبة شلونك ..
أبي أتبلل بصوتك .. انا وخالد نبي نتبلل بصوتك ..

ياغيمه ظللت عمري ويمشي ظﻼ‌لها وياك..

يبه.. ﻻ‌ تغيب عن عيني ... وش تسوى حياتي لو تغيب عني وش تسوى...

مو صح الكون يتفجر .. ولون الحنا في كفي يصير أصفر

يبه ...
يبه ... ﻻ‌ تجفف شفاهي من احلى كلمه بالدنيا

يبه ...

يبه .. ماقلت لك وش صار ..!!

يبه .. بنت صفي منيرة ...!!

ابوها مات في حادث..

تكلمني ترى دايم .. دايم عنه تتكلم...

تقول افز من نومي أحسه بجنبي هو نايم

أحس بجنبي هو نايم

تقول دايم انا ارمي عيوني على اﻻ‌بواب .. اقول يمكن يلملمها باي لعبه من اﻻ‌لعاب..

او ورده و أروح أركض وأخبيها بوسط كتاب

يبه ... عذروبك الشارع تسوق بسرعه مجنونه

يبه .. خلنا على بالك .. يبه طير الفرح ﻻ‌ تكسر غصونه
تجينا ... تجينا.. يعني تجينا على موعد حبايبنا

ابيك تشوف احساسي

ورده بيضاء مغروسه وسط راسي...

وكم نجمه من اﻻ‌بله . تشب بليل كراسي..

وش تسوى حياتي لو تغيب عني وش تسوى ..

مو صح الكون يتفجر .. ولون الحناء في كفي يصير اصفر...


اآلو

اآلو

عفوا منهو وياي ..؟؟

انا خالد..!!

منهو وياي ...؟؟

تعالوا...


تعالوا ... استلموا الجثه


ابوكم

مات ..!!



مات في حادث




للشاعر/سالم سيار

الموضوع الأصلي: يبه شلونك ! | | الكاتب: أميرة البنات | | المصدر: شبكة بني عبس