خلك على صدك .. ترى خاطري طـاب
ودعــتــك الله .. وابـتـعــد لا تـجـيـنـي
من صد .. دون أية عواريض وأسباب
أنهـيـت حــبٍ .. صــار بيـنـه وبـيـنـي
حتى إيش .. لو إنه من أدنـاة الأقـراب
نفسـي عـزيـزة .. والـعـرب خابريـنـي
ماني عقب فرقاك .. عايش بلا أحباب
ولانـي عقـب فـرقـاك عـايـش حزيـنـي
لا ساهـرٍ لأجلـك .. ولا الدمـع سـكـاب
مـن أنـت؟ حتـى تبـكـي الـيـوم عيـنـي
أصبحت في عيني مثل باقـي الأغـراب
إن رحـت والا جيـت مـا أنـت بظنيـنـي
وش حاجتي .. لا صرت بالحب لعّـاب
حـرام أضـيّـع .. مـعـك بـاقـي سنيـنـي
خذها بلا تسويف واحسب لها حسـاب
نـهـايـة المـقـصـود.. فـــي كلمـتـيـنـي
الـلـي يـبـي فـرقــاي.. قـدامــه الـبــاب
والـلـي يبيـنـي فــوق راســي وعيـنـي