السلام عليكم ورحمة الله وبركاته
كيفكم عسى الكل بخيرر
بصراحه حبيت اتكلم معكم وآخذ رأيكم في امرين
انا منزعج كثير من هالأمرين واكيد الأغلب من الأعضاء والعضوات مثلي
الأمر الأول لا يكاد يخلو من اي منتدى وصار الكلام فيه كثير ومتأكد لو ابحث راح الاقي 20 موضوع عالأقل انكتب عنه في المنتدى لكن دون جدوى
علشان كذا اتمنى محد يقول عن الموضوع مكرر
انا اقصد في الأمر الأول بعض الردود اللي فيها بروود ولا تعبر عن اي رأي او فكره للعضوو
يعني مثلآ يعطيك العافيه
او مشكور
او تسلم على الموضوع
او غيرها من العبارات التقليديه المميته بنظري
واللي يقهر اكثر اذا كان الموضوع من جُهد العضو وتاعب عليه
بالأخير يأتي الرد بكل بروود " يعطيك العافيه " ..!!!
هل الهدف من هذا الرد زيادة المشاركات لدى الأعضااء .؟
او انه يبي يحسسني انه مهتم بالموضوع ..؟
بكلا الحالتين تعتبر النتيجه واحده وسلبيه
هذا الأمر الأول
الأمر الثاني والمهم واللي نزلت الموضوع علشانه هو نسخ رد ووضعه
يعني مثلآ ارد انا على موضوع واكتب كلامي ورأيي فيه
يجي عضو بعدي ينسخ كلامي حرفآ ويضعه في رده على نفس الموضوع ..!!!!!!
مدري ليه هالردود اللي اعتبرها لا قيمه لهااا
وانا ماشفت هالشي في منتدى غير منتدى القبيله
وللأسف بعض الأحيان اجد الرد منسوخ من اكثر من عضو في موضوع واحد
اش شعور صاحب الموضوع لما يقرآ الردود ويلاقيها مكرره ومنسوخه .؟
اكيد راح يحس بإحباط وان جهده اغلبه ضاع بسبب هالردود
اتمنى من الكل يدخل ويضع رأيه ونبي نساهم في نهاية هذي الظاهرتين بشكل نهاائي
هذا الموضوع بكاامله بقلمي ومن اعدادي
اذا توافقون كلامي اتمنى تقييم الموضوع
اتمنى منكم المشاركه ولا هنتو مقدمآ