............ بالله قلّي ويش تالي مساعيك
يالي تناظر في نجوم المجره .~
............ حلمٍ حلمته ما يحقق أمانيك
وليلٍ سهرته ما ينسيك مره .~
............ أن كنت ناسي ما جرالك بماضيك
بذكّرك في الوقت خيره وشره .~
............ عطيت من دمّك وخابت هقاويك
وراحت سنينك بالشقى والمضره .~
............ كم (جرح) ينزف بك وكنّه ولا فيك
من خوف عذالك بصدرك تصره .~
............ وكم (جرح) لو تخفيه بانت مواريك
له في ملامح وجهك السمح جره .~
............ وش فايدة صبرك وسهرك لياليك
وغيرك بدون أحساس مافيه ذره .~
............ أكبر خطا تبكي على أنسان ناسيك
ويضيق صدرك فيك وتموت حره .~
............ الى نساك أنساه لو كان يطريك
والي يبرك في مواصلك بره .~
............ وأكبر جريمة .. من توده ويجفيك
أنك تصونه عقب ما باح سره .~
............ قول (الوداع) وما جرالك يكفّيك
ودربٍ يمرّه لا تحاول تمره .~
............ يا (قلب) يكفي ما جرالك ويكفيك
أنك تموت من القهر ألف مره .~