يا راعي الحب الاوّل لله المنّه
ياليت مالي معك قصه ولا سيره !
عليك قلبي معاليقه يتلنّه
تل الدلو لا امتلا واشفوا مصاديره
ضلوع صدري عقب فرقاك لجنّه
لا ارتاح ضلعٍ ؟ يلج ويصطفق غيره !
اقفيت مدري غرامك ويش لي منّه ؟!
لعل يا جار ما انت بـ / ناسي الجيره
لا تحسب انّي نسيت الحب وتظنّه
انا على العهد لو دارت دواويره
وش ذنبي من الوفق ، والحظ يوم انّه
اخطت يدينه يديك وقل تدبيره ؟
ليتك ترفّق بـ / من يرجيك ، وتحنّه
وإقبل وفا مدّته ، واقبل معاذيره
عوّد علي جعل من جابوك فـ / الجنّه
[ مقاطعك ذنب ، ومواصلك تكفيره ] !
.