نويت مرباع الغضي سيد اﻻحباب=قصدي يزول الجرح زاد التهابه
جيت وبقايا نارهم حول اﻻطناب=بيت الشعر مطوي وباقي زهابه
على غزير الدمع ضميت اﻻهداب=صديت لين الدمع يكفي سحابه
بعض الوجاع يمكن تداويه اﻻعشاب=بعض اﻻوجاع يا ويل منهو سطا به
عشق بدوي ﻻ حب ماهوب كذاب=يوفي ولو جرحه تجدد صوابه
واليوم وصلت بيننا مثل اﻻجناب=ذاك الغﻼ يا ضيعته يا سفابه
باكر اذا جينا لهم مثل اﻻغراب=من بعد ما كنا اﻻهل والقرابه
اﻻمر لله كل شي له اسباب=واﻻ الهوى وش لي على هد بابه
وشلون قلبي ما يجي اليوم منصاف=على الرجم منقوش بعض الكتابه
حتى اثر مشيه مع سهول وهضاب مره يبين ومره ما يندرى به
قلبي من الفرقا صويب ومرتاب=كنه غدى نصفين منهو لفا به
حزني عليه انه تسبب وﻻ طاب=نظره طبيبه عجلت في ذهابه
ريح الخزامى والنفل زين اﻻطياب=يشدني ريح السمر في ثيابه
ﻻ اقبل نسيم الليل له خيل وركاب=وله في طلوع الشمس عز ومهابه
ياكثر ماإسمع هالقصيده
وعزتيلي عن الغريب ههههههههه
يعطيك العافيه ابوتوتو