صحيح صدفه خيراً من الف ميعاد
.........................هذا مثل والمشكله صار غيره
حزة صدفته (لج)بالقلب رعاد
.........................وهتز عرق وقلت يارب خيره
نظارت عينه والحزن خيم وساد
.........................على المكان الي جمعنا غديره
من شوفته حزن الحشى للحشى عاد
........................وطفى شموعن قبل شوفه منيره
واستلهم الخاطر تعب ليل وجهاد
....................وطرى علي حب(ن) جهلنا مصيره
قال السلام وقلت عجل بالابعاد
....................ودرب الغياب ارجوك واصل مسيره
دام انها صدفه تجي وقت الاعياد
.....................اكيد بتسبب جروحن(ن) خطيره
قالت: دقيقه بس باقول ينعاد
.......................وعيد(ن) جمعنا كل عام تنيره
اما غيابي ظرف وان ربنا راد
.........................ظرف مع الايام يجبر كسيره
حاولت اداوي كل جرحن ولافاد
.........................ماهو بكيفي والقدر من يديره
ولصار حظي واقف (ن) ضدي عناد
....................ورمى خفوقي فوق شاطي جزيره
مابين نمات ومابين حساد
.........................والمشكله لوبسيطه كبيره
من يومها ماطاب للعين مرقاد
.........................الا دموعي يشهد الله غزيره
زاد الحزن في خاطري والعنى زاد
.....................وزادت عليه نجوم ليل(ن) سهيره
الياء تذكر من عنه كان نشاد
...................سريت في ليل(ن) سواده سفيره
على الذي بطاريه الاشواق تزداد
.......................هو مالكن سيف الغرام وجفيره
قلت : ابشري يامن له الروح تنقاد
........................لايبعد ورد(ن) سحرني عبيره
لاعاد ليل(ن) دون شوفتك لاعاد
.........................ولاعادت ايام الجروح المريره
من غيبتك والحزن للقلب مرتاد
.........................يصبح ويمسى بين ضلع ومحيره
لاكن تعال وتنتهي قصة ابعاد
...................وطوي معك جرح وهموم(ن) كثيره