[سـعود المضيـبري]

يامضيعن مفـتاح قلبه مـن اعوام
......... قلي عسـى مفـــتاح قلبــــك لقيــــــــته

السالفه ماهي على روس الاقلام
....... الســــالفه قــــلب الـــــمولـع خــــذيــــــته

البارحه مريتني ضمن الاحلام
....حلم(ن) صــــغير(ن) مبتــــسم وحتويتــــه


غني معي وانزاحت ابواب الاوهام
...... وضــــوى علي ليـــل الهيـــام وسريتــــه

دام المساء يرسم لي النور قدام
...... رســـمت لاحـــــلامي مســــار وبديتـــــه

شاهدت قدامي قمر سود الايام
....نوره سطع ونشـــاف وجـــه(ن) هويتـــــه

تسابقة خفقات قلبي والاقدام
.....صوب الحـــبيب الـــي بروحـي فديــتــــه

راضي بحبه لو بعــــد حبه اعدام
......دام الصـــدر تابـــوت يـــوم احـــتريتـــه

ولاوقف الهاجوس مع صف الاخصام
....مردني عن حـــب شخـــص(ن) بغيـــتــــه

وصالك لوحظي من العام ماقام
....ومشـــيك يادرب(ن) سهـــرت ومشـــيتـــه

ولصار قلبك ضايع(ن) قفله العام
.....خـــله يجـــي عنـــدي ترى البــيت بـــيتـه

بقلمي..

سعود

ودمتم في تمام الصحه والعافيه

الموضوع الأصلي: مفاتيح القلوب .... | | الكاتب: سـعود المضيـبري | | المصدر: شبكة بني عبس