اخواني واخواتي متذوقين الشعر
اقدم لكم قصيده تحت عنوان
( شوك البادية )
يقووول
ياصبح اعطيني البسمة واخذ مني ظلام الليل=ودفيني ليا هب البراد بحضنك الدافي
وتعبني على كيفك مدامني قوي الحيل=ولاتزعل علية لو اعكر جوك الصافي
انا من لي سواك اشرح له همومي وبتفصيل=ليا ضاق الصدر والموت قدامي وبخلافي
دخيلك لا تخليني من صدوف الزمان اميل=يارب استر علي وضيفيني في سترك الضافي
والا ياوجد روحي وجد من ذاق الغبن والويل=جبره الوقت يمشي فوق شوك البادية حافي
يسج الرجل وعيونه ماتنظر غير بدربيل=عماه الكحل الاسود والقمر نوره غدى طافي
ماقول الا ياربي ياعسى كل الديار تسيل=من مزون السحاب الي هماليلة تهتافي