[طيب القلب]

راشــــــــــــد]
أبي شورك دخيل الله يابوخالد
ترى هالدنيا ضاقت بي وأنا مّليت
بلاني حب من خلّى الفكر شارد
زعل مني واذا ما رد لي جنّيت
عبدالكــــــــــريم

على هونك وقول شفيك يا راشد
عيوني لك وعنّك عيوني ما ردّيت
صديقك عدني أو حسبت الوالد
من اللي صد عنك وأنت ما صدّيت
راشـــــــــد
أنا حبيته والله عالم وشاهد
ويمكن دون ما اقصد عليه أخطيت
تعذرت وتعبت أقول مو قاصد
ولا عبّرني ( ما تسوى ) عليّ حبيت
عبدالكـــــــريم

اذا أخطيت أكيد أن الخطأ وارد
واذا صدّك لأنه يحبك و زلّيت
اهي فتره مهما يروح و يباعد
بــيرجع مثل ما يرجع حمام البيت


مع تحياتي .. طيب القلب ..

الموضوع الأصلي: ((..راشد الماجد و عبدالكريم عبدالقادر..)) | | الكاتب: طيب القلب | | المصدر: شبكة بني عبس