[بندرأبن طريف المظيبري]

أسعد الله جميع أوقآتكم بكل الفرح والسعاده ..

قصيده على خير أشوفك ..

وهي للشاعر عبدالله السياري الخالدي ..
..........................................
على خير أشوفك كان حنـا مـن الحييـن
مصير الليالي تجمـع الحـي مـع حيـه




سرى النوم مع مسراك وأحفت دموع العين
كفـوفٍ تكفـه كفـة الشـمـس للفـيـه




بمان الكريم ارحل وانا في انتظـارك ليـن
تـدور الليـالـي دورةٍ ترجـعـك لـيـه




لك الله ما عن ناظري غبـت لـو يوميـن

كوانـي فراقـك كـيـةٍ فوقـهـا كـيـه




ولا والله أرخصتك ولا شفت غيرك زيـن
أنا ادري بحبك لـي وانـا صـادق النيـه




أبا صلك لو تبعد وانـا حافـي الرجليـن
صريع الغواني لـو جحـد فيـه ماريـه




تموت القلوب الخاليه بيـن زيـن وشيـن
وتعيش القلوب اللـي علـى الـود مبنيـه




ترى البعد بعد القلب ما هوب بعـد البيـن
الى صار من ودعـك يـا عـدك بالجيـه

أعجبتني وأتمنى تعجبكم ..
تحياتي

الموضوع الأصلي: قصيده على خير أشوفك .. | | الكاتب: بندرأبن طريف المظيبري | | المصدر: شبكة بني عبس