أعزائي الأعضاء
هذي القصيدة للشاعر الأخ العزيز /
صويلح بن عياد بن بليهان الشويلعي الرشيدي
حيث انه كان من سكان منطقة القصيم وقد امضى فيها 6 سنوات
وبعدها نقل الى منطقة حايل
وكتب هذي القصيدة لجاره الأخ /
عمر بن محمد بن مثني الشويلعي الرشيدي
تقول القصيدة واتمنى تنال اعجاب الجميع
من عقب ست سنين والباب بالباب=ودعتك الله يالقصير الموالي
ودعتكم والدمع يذرف وصباب =على خدودي من عيوني توالي
كله على فرقاك يا عز الأصحاب=يالي تقدم للضيوف الجزالي
في مجلسك يلقون بن<ن> وترحاب=والعود الأزرق جنب صفر الدلالي
من لابة<ن> يوم اللقا تفك الأنشاب=سقم المعادي مكرمين السبالي
قلته وأنا ماشي<ن> منك يم الأحباب=منقول<ن> لحايل عروس الشمالي
ابتقرب من عجوز<ن> ليا غاب=زوله عن عيوني يجيني هبالي
واسلم وسلم لي على كل الأشناب=وأسمح وسامح من فراق الليالي
اتمنى تنال اعجاب الجميع