السلام عليكم ورحمة الله وبركاتة انا جدا سعيد في تواجدي بين اهلي واخواني واخواتي
واتشرف بالجميع
البطاقة الشخصية: مجلاد حسين مجلاد الفعم الرشيدي
دولة الكويت
مواليد 20/1/......
متزوج
ولدي ولدان وبنت
بدايتي الشعرية تقريبا في عام 1997
وانا من المقصرين جدا في الظهور اعلاميا لظروفي الخاصة
اما اقرب بيت لقلبي كثير من الابيات واتمني ان تنال هذه المقتطفات اعجابكم
واول بيت كتبته من قصيده نشرت لي في عام الفين
هذا البيت
توني عرفت الحب في عام الافين
ماهو وفا واخلاص فين وشطاره
.................................................. .........
اشفق علي وحن قدر المستطاع
كافي خلاص غياب واعلنها رجوع
انا بعد صوتك كرهت الاستماع
اضمى لهمساتك من البارح وجوع
.................................................. .
بذكرك جايز من البعد ناسي
وارد اوضحلك مكانت غلاتك
يبقى وجودك في حياتي اساسي
مثل الهوا تحتاجله في حياتك
...............................................
ياللي تقول الصمت خير امن الكلام
ماعلومنا اي شي الصامتين
لولا الكلام وحنكة الناس الفهام
ماكان نفقه شي لا دنيا ودين
..............................................
مبطي وحظي يتلع الجيد نايم
يعني ردات الحظ فيني قديمه
يامطول الغيبات مابي غنايم
يكفي وجودك في حياتي غنيمه
.............................................
ان تكلم مسمعي من كلامه غصب ذاب
يستقل الحب فيني وقلبي يقنعه
مرتن كنا نسولف وطاب الليل طاب
قال الارض مربعه قلت الارض مربعه !
.................................................. ......
هذي القصيده حصريه لمنتدى قبيلة بني رشيد لم تنشر كامله من قبل
طرقت باب الصمت وان ساق الملام
ولقيت نفسي بين بيبانه سجين
وبديت واضح للمعاتب والخصام
يومي نطقت الي بقيت بكلمتين
ياللي تقول الصمت خير إمن الكلام
ماعلومنا اي شي الصامتين
لولا الكلام وحنكت الناس الفهام
ماكان نفقه شي لادنيا ودين
بس التواضع ميزة الناس الكرام
وانا طريقي لايسار ولايمين
اسرجت خيلي في غياهيب الظلام
وسترت في كفي بعيني دمعتين
حشمتها خوفي من عيال الحرام
عاد انت افهمها وتفهم يافطين
خل المواجع في طرف صدري تنام
لاتنبش جروحي وانا قلبي حزين
وخل الموده بيننا بكل حترام
وخل القلوب القاسيه يمك تلين
مع السلامه عيش دنياك بسلام
ولو ماتعذرلي ترى عذرك سمين
.................................................. ....................
ماعادلي واهس على طرق الابيات
ماعادلي خلق القلم والكتابه
عيت ظروفي فختصار المسافات
وكل الدروب الي مشيت اتشابه
ماعاد تفرق لو كسبت الخسارات
من لايهاب الناس محدن يهابه
والظلم في يوم القيامه ظلومات
وانا على درب النبي والصحابه
لاني بمتغتطرس ولا لي علاقات
مسلم واخاف الله واطيعه واهابه
والشعر في دمي مشكل عصابات
يطريلي الهاجوس واصك بابه
عجزت اجامل اكثر الناس بسكات
لو كان تربطني معاهم قرابه
تسألني الايام عن رحلة الذات
واسج واسكت وامتنع فالاجابه
واقول في نفسي ترى الحي مامات
ولاني بخايف من زعيم العصابه
اخاف من بديه ملك السموات
الواحد القهار بحسب حسابه
الي يحاسبني على كل مافات
لا واهني الي بيمينه كتابه
يارب تنجيني بيوم التشتات
من وحشتي فالقبر ولا عذابه
.................................................. .......
وسلامتكم واتمنى ان ينال هذا القاء على اعجاب الجميع
اخوكم مجلاد الفعم