[جزاء بن سعود]

العفيري قالها ياغناته مايجول
لو نواثي بالغدر والوفى كلي لها

هيه يابنت النشاما ويابنت الأصول
أسمعي هرجي وقلبي معاك أقولها

مايميل الفكر مع غيركم لو مر حول
مالفيتي والمراسيل قطع حبالها

لو كبرت وصرت جد أبد والله ماتزول
الليالي ألي مضت لي معاكم كلها

معك معك ياغناتي معك في كل جول
لو زماني خانني والديار وأطلالها

صاحبي ياصاحبي هالفكر كله ميول
يمكم بالعشق ولغيركم ما مالها

صاحبي وأن صرت عندي ياجعلك ماتزول
أرتكي لحمول عبس وعدنان كلها

الحمل فوق المتن وأنت قدامي تجول
ماأحس بحمولنا أخفافها وثقالها

ضاق صدري غزتي أه من صدري الملول
داركم يابعدها والفكر لي أخيلها

صرت أطرش من غرامك وكني أمهبول
أن حكى أحد قلت له عيد أقولها

ماسمعتك الأذني تعبانه نقول
الشكى لله ياخوك ولله خلها

رحمة الله واسعه ربي جراف السيول
مثتب الأرض بهضابها وجبالها

أنه يحقق رجايا ورجاها بالعقول
وتصير قسمة بالشريعة عسى الله يقولها

في شريعة من أرسله الله رسول
ينذر العالم عقالها وجهالها

غير حبً بالشرف كفنا له ماتطول
والرداوه ماني منها ولا من أهلها

الرداوه للردي والفحالة للفحول
ونميز العالم جهالها وعقالها

المثل كد قال الراس مايتبع ذيول
واضحة ياصاحبي والمثل كد قالها

وأخر الهرجات قلبي معاكم أمتلول
مايخونك طال عمره أو قصر في حالها

الموضوع الأصلي: هيه يابنت النشاما ويابنت الأصول*أسمعي هرجي وقلبي معاك أقولها | | الكاتب: جزاء بن سعود | | المصدر: شبكة بني عبس