[ابن اخزيم]

ساقـت مشاويـر الشقـا .. واردف اللـيـل
وسـريـت .. ودروب السـهـر سرمـديـه

ازريـت اسـوق الهـم .. واحـط .. واشيـل

وتعـبـت اكـابـر... والمـواجـع نـديــه

الحيـل مـل مـن التعـب .. مابقـى حـيـل
والجـفـن.. مـالـه بالسـهـر مـقـدريـه

الـــبـــهــــذلــــه ..

والـــمـــهـــزلــــه ..

والـــغـــرابــــيــــل

أبطـال ... وسنيـن العـمـر .. مسرحـيـه

والـــــــهــــــــم..

والــــحــــرمــــان ..

والــــــحـــــــزن ..

والــــــــويــــــــل

ضيـوف .. وجـروح الـوفـاء .. شاذلـيـه

والــــصــــمـــــت ..

والــــهــــوجــــاس ..

بــــــوح الـتـعـالــيــل

والخـوف مـسـرى.. والليـالـي مطـيـه

يالله عـسـى درب الـسـنـع بالمقـابـيـل
والا .. الليـال الـلـي مـضـت جرهـديـه

حـر(ن) كفـخ .. واستأسـرتـه المحابـيـل
عقـب السمـاء الرحبـه هـوى للوطـيـه

حــر(ن) غدر فـيـه الـزمـن والمداخـيـل
مـقـرود وكـفـوف العـطـايـا رديـــه

غلطـة عمـر منـهـا جنـيـت البهـاذيـل
ذنــوب غـيـري حـطـهـا الله عـلـيـه

غلطـة .. ودحدرهـا الـقـدر بالمحاصـيـل
ورضيـت بالمقسـوم غـصـب(ن) علـيـه

تناقلتـهـا شـلـة الـقــال .. والـقـيـل
وحطـوا عليهـا ليـن صـارت .. قضيـه !!

وقـامـت تناهشـنـي رخــوم الرجاجـيـل
اهــل المـلامـه .. والعـلـوم الـرديــه

الـلـي تجـيـك اخبـارهـم بالتفـاصـيـل
ويحرفـون الهـرج عــن ســوء نـيـه

بالله قـلـي ليه يا شمعة الجـيـل
وضـح النوايـا .. كيـف صـارت خطيـه؟؟

قل لي .. مـن اللـي ضلـل الحـق تضليـل
ومـن علـم الوافـي يـخـون بخـويـه ؟؟

ومـن بـروز الاوهـام .. خدعـه وتمثـيـل
ومـن طلسـم الواقـع ؟ وخـان الوصيـه ؟

مـن قـال لـي.. دربـك مهود..وتساهـيـل
ومـن علـم الضحكـات تمشـي علـيـه !!؟

مـن كفـن دمـوع الـوفـاء بالمنـاديـل ؟
ومـن جر الحسنـه بمليـون سيـه

اللـي قـتـل حـلـم الضـلـوع المناحـيـل
وقـال انقتـل فيـك الـعـوض والبقـيـه !!

جـاوب سؤالـي ليه ياشمعة الجيـل
وضـح النوايـا .. كيـف صـارت قضيـه !؟

هذي القصيده سمعت انها لشاعر

عبدالله باتل ومتاكد ويقولي مئه بالمئه لعبدالله باتل
ووجدتها بمنتديات كثيره البعض لايعرف من
القائل والبعض يقول لشاعر عادل الذيابي العتيبي

واعتقد انا والله اعلم لني اعرف قصائد عبدالله
باتل وتركيبه ابياته وقصه معاناته ان القصئده له

ومن يعلم غير ذالك فارجو اخبارنا بذالك لكي
لانهظم حقوق الشعراء ونعرف لمن القصئده

فارجو التفاعل والبحث هل هي للعتيبي عادل

او الرشيدي عبدالله
وتقبلو تحياتي.....

الموضوع الأصلي: للعتيبي او لرشيدي | | الكاتب: ابن اخزيم | | المصدر: شبكة بني عبس