[روض القلب]

خـلف المــشعان ...

اعجبـه هالبيــت .. وجاراه بقـصيده ...


وهاذا هو البيت ...


لو ينشرى قلبٍ من السوق لاشريه
ودي بقلبٍ في صفاته جمادي



والمـشعان ... كانت هاذي مجاراته ...

يسعد مسا اللي هيضتني معانيـه
بعض المعاني يوم تطلع هـوادي

دارت دواير هاجسي من هواديـه
من بعد ماسطح البحر كان هاادي

ماكل من يكتب قصيـده اجاريـه
ولا كل صوتٍ يستحـق ارتـدادي

لا شك ابوتركي عسى الله يعافيـه
وافق مراده بالقصيـده مـرادي

لو كنت ماني بالقصايـد حواليـه
ابجتهـد والله يخلـف اجتهـاادي

((لبيه))..لو ماهو لنا قول ((لبيه))
اقولها .. ماهو عليهـا اعتمـادي

هذا القصيد اللي تهـزك قوافيـه
ما رتبه في وصف هند وهنـاادي

يشكي لربـه ويتضـرع ويدعيـه
وينادي اللي يسمعـون المنـاادي

صوته جذبني واعجبتني مساعيه
وسليت سيفي قبل اوازن شـدادي

ياعارضٍ قلبك للاسواق وشفيـه
بياض قلبك ما اذكرو به سـوادي

قلبٍ ملاه الطيب ما ينصخى فيـه
ياكم عجز من زود طيبه يعـادي

وش عاد لو قالو بليـا تشااابيـه
طيبك بعيني فوق طيب المهـادي

لو يزعِلك وضع الزمان ومواريـه
راعي المبادي ما يكـب المبـادي

والله لو تدري عن اللـي مخبيـه
همٍ حبسته بالضلـوع انفـراادي

ما كل هم اليا تضايقـت تشكيـه
احيان به شيِ على شـي بـادي

كل شي يكشف عن عيوبه تواليـه
لو لا المدى ما كان صار التمادي

شيٍ يعـدى حـاول انـك تعديـه
خلك مثل ماقالو الربـع عـااادي

الموضوع الأصلي: ولا كـل صوت يستحق ارتدادي .... | | الكاتب: روض القلب | | المصدر: شبكة بني عبس