يا مساء الخيرات والليلة رفيع(ن) مستواها=مثل حكام البلد لا وقفـوا عنـد الشريفـي
قال من ميز علوم الناس يعرف محتواهـا=ما بعد فصل الربيع الا بواديـر الخريفـي
يامساء الأنوار ياعماد البيوت وياذراها=ياقبائل عبس ياعون المشرّد والضعيفي
يا مميز بالعلوم وميزتك ياوش وراهـا=ماورى فصل الخريف إلا لواهباً وصيفي
نعم في عبس العريقة كلمة(ن) يصدح صداها = والردي يا صاحبي دايم يجي بوجه(ن) كسيفي
الغنايم قسموها يا بعيد الحق وراها = ليت يطلع مكسب منها بحمل(ن) لو خفيفي
كل شاعر والمشاعر في هواجيسه تباهـا=يالعروضي بالشعر تقطيع طاروقك يخيفي
الغنائم قد خذينـا قسمنـا بـأول بداهـا=ومابقى منها يابن صعلوك حطه بالمضيفي
القلوب الميته والله ما اعـرف وش دواهـا=واللي في وسط القلوب الحاسده ما هو نظيفي
البلا فالروس لو الروس ما ننسـى خطاهـا=وانت خلك يا بعيد الشوح في ظـل العريفـي
لاتعايـن للوجيـه اللـي ماتقبلهـا لحاهـا=خل شوحك عن طمان الأرض ينظر للمنيفي
ماتت الأمه يالولا اخلاقهـا وباقـي حياهـا=والجبال الشامخه بحماي واقصى الربع سيفي
عمتك تطرد غنمها والجـراوه فـي قفاهـا=وكان شفت احوالها عودت مرتاب(ن) معيفي
ليتكم يا صاحبي تفزع لهـا باللـي بلاهـا=المذلة ما احد(ن) يرضى بها ولا هي حليفي
ذيك ماهي عمتي خالتك وتعرف انسباهـا=من صعاليك ن مثل شرواك وتحب الطريفي
انت عينك لو تداوى من رمدها في عماها=ولوكحلناها لك بمرود تبي تصبح كفيفـي
في جوازك يا بعيد الشوح ختم اللـي حماهـا=من بلاد الشام حتى تاصـل لحـد العطيفـي
ليتنا من حجنـا نكسـب علـوم مـا حلاهـا=لكن اتقابل في وسط البيت لابليس(ن) وصيفي
لو كتب تاريخها الراوي على القارئ قراهـا=ما نزل فيها كتاب وكلمة ن حـد الرصيفـي
جمرة الأعراب في بر البسيطه مـع قراهـا=في زمن ماضي شجاعتها وحاضرها نضيفي